बागमती प्रदेश सरकारले आउँदो आइतबार सार्वजनिक बिदा दिएको छ। गाईजात्राको अवसरमा सो दिन बिदा दिइएको हो।
बिज्ञापन
प्रदेशको आन्तरिक मामिला तथा कानून मन्त्रालयले एक सूचना जारी गर्दै आइतबार प्रदेशभर सार्वजनिक बिदा हुने जानकारी गराएको छ।
बिज्ञापन
सूचनामा भनिएको छ, ‘बागमती प्रदेश राजपत्रको खण्ड (८), संख्या ३२, प्रदेश राजपत्र भाग ३, मिति २०८१–१२–२१ मा प्रकाशित सूचनाबमोजिम यही मिति २०८२–०४–२५ गते आइतबार गाईजात्राको अवसरमा बागमती प्रदेशभर सार्वजनिक बिदा दिने निर्णय भएको जानकारी गराइन्छ।’
बागमती प्रदेश सरकारद्वारा कार्यान्वयनमा ल्याइएको प्रदेश सरकारी कामकाजी भाषा ऐन, २०८० अनुसार गत २०८१ चैत १९ गते बसेको मन्त्रिपरिषद बैठकले गाइजात्रासहित अन्य चार दिन सार्वजनिक बिदा दिने निर्णय गरेको थियो। उक्त निर्णयका आधारमा गाइजात्रा पर्व सार्वजनिक बिदा क्यालेन्डरमा समेत समावेश गरिएको हो।
बिज्ञापन
